Kwcham Montri okra Biplab Kumar Deb "Nasha Mukta Tripura" ni yapri tabok bw aswk dorokhe samwng tang jagwi tongkhw Khowai 31-05-...
 Kwcham Montri okra Biplab Kumar Deb "Nasha Mukta Tripura" ni yapri tabok bw aswk dorokhe samwng tang jagwi tongkhwÂ
Khowai 31-05-2022: Nesha mukta Tripura swnam nani kwcham Montri okra Biplab Kumar Deb ni imangno mwkthang khaiwi tonglaio naimwthangrok. Abono rwksawino Kwrak salni aichugo Agartala-ni simi assam-o thangnani bagwi lam rio kaisa gas cylinder twijak 6 chaka trak malkhung. Kha mithikmung manwi baijalbari out post ganani S.C kami-o truck malkhungno kasu-o police tei CRPF-ni sipairog. Ah trak malkhung-ni kai chisini packet-o bebagwi 700 kg sidi yaphao-chobwi mankha. Aboni hatio morok wnganw 3 lakh 50 hazar khok kahai. Logio romkha malkhung driver Azadur Rahaman-nobo. Bini nok panisagar thana-ni peku twisa amchaio.Â
Oh patimungni koktwma manwi patima thaio thangkha khowai SDPO Rajib Sutradhar, Baizal kami out post-ni OC sukanta Debbarma, Khowai thanani OC Udam Debbarma tei CRPF 124 battalion D-company-ni sipairog. Abono twiwi khoroksa officer sai khwnarikha.
Khowai thana-ni police abono twiwi kaisa mamla tisakha. Tabuk nainai banta, police-ni naichermung bai mungsaswk koktwma nongkhorwide phaitino.
No comments