Bigbazar ni kwbwi kothoma nwk jakha Lahari Debbarma thwima ni swrai swrai khe

Big Bazar  Big Bazar omo bazar liya bwthar kha dophani chati nw , Agartala Auxilium School ni joto ni sai kwrwng kwk class ni sw...

Big Bazar 

Big Bazar omo bazar liya bwthar kha dophani chati nw , Agartala Auxilium School ni joto ni sai kwrwng kwk class ni swrwng nai jwk nw , bw class 11 ni 12 oh pass ung kha class ni jotoni sai kwbang kwk mark manwi. Bw aghio  ekalavya school o pori jao.bwpha thwi ja mani yakulo bw Auxilium school pori phaijak kha, ora School ni hostel o tong jao.

Hostel ni dol rok bai BIG BAZAR o manwi paina thang phra, ora ni staff eba samwng tang nai rok bai blackmail khaijak kha sikok ni majra berwi , omo simi pwila ya aboni sai swkang bw rang puisa borok dophani thani nanani bangwi tei borok dophani majority nw kisa khaiwi chong mani bangwi chwla chasolok chasolok rogno sikok berwi bwlai kha. Tei police rogno rang riwi sikri sokra khaiwani samwng bw khailaio borok. 24 may ni sal o dol rok bai big bazaro thang phra sikok berja kha bw.mai twi macha ya khaiwi salbai sal sa big bazar ma tong jakha tei hostel ni principle eba mwrwk nai nw call khai sakha,tei bwma nw call khaiwi rang riphai di hinwi call khai kwtuk horkha lachima sungsa khaiwi jotoni pal bwskango.bwma bw pal manjak liya tongma chama call khaijak kha rang rok jugalwi tulang jakha haiphanu watwi satwi bai doi sogwi man jalia. Manwi khogwi manjak mani bw chwla ni ri mang abo kunu samwng chuk ya jat.

Big bazar ri khogo hinwi majra berjak mani aswk kotor kotor

Aswk kotor kotor chwla ni richum saboni bangwi bw nang , tamni bangwi bw khok nai, bwphayong masa tong jao bw bo 11 bisi ni, belai wanswk thai kwlaio .

Rang rok riwi mwkhang rok swbai jagwi hostel o sokphai jakha , ora bw aswk doro khe kwtuk jakha swini rok nw kwtuk ma swk doro Bwnu tei bwma nw. belai lachi mwng manjakha bw thwina ni sara lama kwrwi khawi kutuk jakha eyang uyang bai. 

Bwma bw horo kami twlangwi mungsa swk ung jakna kiri jagwi horsa mwrwgwi tong jakha , haiphanu narwk manliya bini sajwk nw  . Borkathal amchai ni sajwk chini dophani thinang ni chati aichuk ni jorao 25 may ni phungo hinkhe fan o kotoksologwi thwi thang jakha bw.

Fake Suicide Note 

Thwi jamani yakulo Auxilium School ni principle kiri jagwi case nw oino bukhak tulang nanai kha suicide note tobowi. Thwija nai jaity gusti rok bini hand writing bai kisa phanu miliya hinwi salai kha.belai school ni samwng tang nai rok tei school nw mwkhang baijak na kiri jagwi case thung kha. Thwija nai ni kwcham school ni phwrwng nai rok phawi bini hand writing ni prob rinani goshi kha.

Tei 28 may ni sal o Big Bazar nw Police ni thani FIR rinai hinwi Borok Dophani kwbangma motha rok kok chaplai kha. Tei chwng omo tahai rogo tei bw thansa ma ung nai tei chubao ma okhar nai.