Birajit Sinha nw swlaiwi Bubakgra Pradyot nw chong jakha kwtal president Thinango chini Bubakgra Pradyot hasteni chief Minister phanu...
 |
| Birajit Sinha nw swlaiwi Bubakgra Pradyot nw chong jakha kwtal president |
Thinango chini Bubakgra Pradyot hasteni chief Minister phanu ungwi manu
26 February (BN): Bharat hakotor ni president Rahul Gandi ni daghe mwng bai Shri. Birajit Sinha nw swlaiwi kwtal swnam jakha Bubakgra Pradyot Manikya Debbarma nw. Bubakgra Social media swikha “Hambai” rikha Rahul Gandhi nw tei swi kha Tripura nw kaham lamao tobo wani tei kwchang kaham khawi tobo wani bangwi rok.
Kokthuma manma thwi Bubakgra Congress party yakar naitwi naitwi ni bangwi de President ni achok thaio thai mankha? Kwbangma borok nw Bubakgra ni tolao tong na ni mwchuk jago “Puila jati ulo party” hinwi , haiphanu baksa wanajago abhu haikhe kwtal party de ungwi thang nw hinwi.
Ipft nw pwitu chawi phainai haste ni luku rok dopha rok omo simi nw chini thinang hinwi - aa party nw se tabok joto yakar na goshi jak. Tabok jora chini dopha rok politics thungna mwchuk jag ya haiphanu politics bai thung jagwi thango. Bande jagwi Vote ma ribai jakhe nw tei dopha rogno mwitu khainai bw tei kebu kwrwi.
Twi ma nung ya aghi haino tong kho, Mai machaya aghi haino tong kho, nok kwrwi aghi haino tong kho. Election ni swkang khe joto abhu rogno nwgo, election paikhe tei nwk liya kebu phanu.
No comments