Mang kwthwi Khumulwng habanok rogni kwchar majaro - Mang kwthwi manmano twiwi amchaio tabuk wanama koboljak Khumulwng 31-05-2022 : Kwrak sa...
 Mang kwthwi Khumulwng habanok rogni kwchar majaro - Mang kwthwi manmano twiwi amchaio tabuk wanama koboljak
Khumulwng 31-05-2022: Kwrak sal-ni phungo siniya nukya khoroksa borok-ni mang kwthwi kosok mankha. Patimung Khumulwng Radhapur thana-ni MBB Lampra amchaio. Koktwma manwi patima thaio thangkha Radhapur thanani police. Mangkwtwhino tabuk Post Mortem khwlaina rihorjak. Aboni bai achaio tabuk amang chimang wnglaijak.
Swbabo wngkha. Boroni ba wngkha. Siniya nukya khoroksa borokni mang kwthwi sokjak bolongo klaijak mankha. Patimung khumulwng radhapur thanani MBB Lampra amchaio. Swbabo wngkha, boroniba wngkha ah borok ba. Tamoni bagwiba thwikha, buibaida bwtharjak khwna ah borokba. Haiyakhe mungsa kaisa jwngjal tekto wngwida, dukho nangwida sak kaisa kotok sorowi thwikhwna, yakheba buibaida koto soro rijagwi thwina nangkhwna.
 Kebo silaiya tabuk. Thwinai kaisano sijasinai ah kok. Mang kosok kwlaijak gana-ni buphang phangsao buduk phanjak nukma bai koto sorowi-no haiyakhe koto soro rijagwino thwikhwna hinwi kha kalaikha amchaini lukurog. Rekha Rani mungwi khoroksa amchaini borok kok narwk kha.
Patimungni koktwma manwi patima thaio thangkha khumulwng radhapur thanani police. patimano twiwi tabukbo swraisa sawi manyakhu. Thwimani Sal nwichi yakheba nwichiba kahai wngkhwna, tei mang kwthwino tabuk postmortem khwlaina rijak hinwi sakha police.
Mang kwthwi manmano twiwi amchaio tabuk wanama koboljak. Tabuk Doctor-ni postmortem-o tamo saklaimung wngno nasingwi tonglaijak.
No comments