Jwngjal mwthagwi roikha MP Rebati Tripura Hasteni thanglaisu-ni haphar-o chasamung tubuna bagwi samung tangrwjagwi tongo thangnai sal kolok...

 Jwngjal mwthagwi roikha MP Rebati Tripura

Hasteni thanglaisu-ni haphar-o chasamung tubuna bagwi samung tangrwjagwi tongo thangnai sal kolokma romwino . Abono rwksauino Assam-Agartala-Sabroom jatio laharno charwi tisana bagwi samung tangrwi tongo National Highway Authority. Khwlaijagwi tongo lama kuwar tei kepleng khwlainani samung . o samung khwlairwna thangwino tabuk nukjagwi tongo dalbidal jwngjal . deramung mari manya wngwi Chasalo jatio lahar muthuplaikha amchaini lukurok. Patimung Teliamura bwkhasteni 46 mile-ni Krishnamani para amchaini jatio lahar-o . Hamkraini samung humungo je borok-ni thai tei nok huk deranai borogno deramung mari rwna hwnwi kok rwjakmani . Phiya jora kolokmani ulobo amchaini khung bachichar nukhungni bororokno rwjakya deramung mari. Uaisa tei uaisa thangwi sajakbo mungs asak nangya National Highway Authority . paithago tei mungsa lama kwrwi kwrwi wngwi jatio lahar muthuplaikha . patimathaio thangwi sogwikha MP Rebati Tripura. Lam muthupnairokbai koklam salaima ulono jatio lahar muthupjakmano rosaui naharjago . daktino koklam salaimani bisingtwi jwngjal yak kakrwna chaitokjaganw hwnwi kok rwkha MP Rebati Tripura .

Jatio laharni samungo amchaini khungnwi khungtham-ni nok swbaijakha tei rubber buphang-rok tanjakbaikha . phiya aboni mungsa deramung mari rwjakya hwnwi salaikha tungphwlajak lahar muthupnairok.

Jethaio hasteni thanglaisuno charwi tisana bagwi jatio lahar swnamjagwi tongo. Athaio baksa bororokni nukhungo nukjagwi tongo deramung. Dosao kwlaijak lukurokno chubana bagwi tamo yapri naharjakno bwskangni salo tabuk abono naithai .