Help sankha  Sri Lanka Singer Yohani  Rwchapmungni haphar-o hayung gwnangwi ninangrwi rwmani “Manike Maghe Hithe” rwchapmung . o rwchapmung...

 Help sankha  Sri Lanka Singer Yohani 

Rwchapmungni haphar-o hayung gwnangwi ninangrwi rwmani “Manike Maghe Hithe” rwchapmung . o rwchapmungni ulono Hayung gwnangwi jotoni khasuksa wngwi thango Sri Lanka-ni Pop Singer Yohani Di Silva . Cheraini simi okra jotoni khugo-no “Manike Maghe Hithe” rwchapmung . Jora kisani hayung berem-o mung tisaui naharmani Yohani. Paithago Sri Lanka-ni tonghalok deraui tongmano twiwi khorang tisakha Yohani . thangnai sal kisa romwino Sri Lanka hao chamung nwngmungni simi chengwi Petrol-Diesel-no khobwi manwi khwnwini biyal nukjagwi tongmani. 

Jotoni swlai biyal wngkha rang puisa . Thangnai sal kisa swkang Bharatni bwkhaktwi-bo thok, mairum-no khjobwi podrepot chubajakha Sri Lankao . Tongthok jorao simiya Biyal tekto-ni jorao-bo hano hamjakma bagwi haktorni tongkesep biyal jorao hayungni thani chubamung sanwi khorang tisakha Sri Lanka-ni Pop Singer . social media-o video khwlaiwi bo sakha, rwchapmungni kokthai-bai halok kaham boui mano. Bini rwchapmungni hamjakmungo hayungni joto bororok Sri Lanka-ni ganao bachanai.

Khoroksa chukya wngwi tongkhe bono yak tolwi chubathai. Kaisa haktor biyalo kwlaiwi tongkhe juda haktor bwskango phaithai . abohaino wngkha naharmung kahamni uansukmung. Sri Lanka-ni chukya jorao sabo bwskango phaino tabuk abono naithai .