Agartala Municipal Corporation Budget achok jakha tini File photos Tangsalo AMCni 2022-2023 rang bisini bagwi budget adhibeshan achukjakman...

 Agartala Municipal Corporation Budget achok jakha tini

File photos

Tangsalo AMCni 2022-2023 rang bisini bagwi budget adhibeshan achukjakmani . a salo budget pesh khwlaikha AMCni Mayor Dipak Majumder. 2022-2023ni AMC Budget pesh khwlaina thangwi Mayor Dipak Majumder sakha, hasteni lukurokni hamkraini samung bwtangno bwskango tonwino taklaini 

AMC Budget pesh khwlaijakha . 2022-2023 rang bisini bagwi ajimungni berem -o 366 crore 39 lakh tei swbaimungni berem-o 367 crore rang chongjakha . thangnai 2021-2022 rang bisio biyal tongmano bwskangni salo juda juda bwkhaktwi supungjaganw hwnwi sakha MAYOR .

AMC amchaio tongnairokni kokno uansugwi twi-ni tax tei thai-ni tax agini haino tonijakha . AMCni bwkhaktwi aguli amchaio tongnai lukurokno sep sap kaham rwna bagwino taklaini o budget hwnwi sakha Mayor Dipak Majumder . aboni bagwino smart city-no khobwi dalbidal tangbwtangni samung dakti dakti tangrwjagwi tongo hwnwi sakha Bo .

Bwskangni salo AMCni bwkhaktwi naharjak dalbidal samung bwtangrokno twiwi Mayor sakha, dalbidal samung bwtangrok ward-ni bisingtwi tangjaganw . aboni bisingo Battala simalwng-o tabukni simi mungsa tax naharjagwlak . abono karwibo property tax-no twiwi swrai swrai khe sakha Mayor Dipak Majumder .

A salo AMCni tei kaichi ward habanok swnamnani tei AMC amchaio kai thamchi kwtal public toilet, nokni simi manwi hamya thumnani samung 100% khwlaijaganw hwnwi sakha Mayor . street vendor-rokni bagwi registration tei ward habanogo internet gwnang tei GB hatio kaira thuyam-ni nok tangjaganw hwnwibo sakha Mayor . juda hasteni AMCni haikhe luku hamkraini dalbidal samung bwtang bwskango toniui taklaini AMC budget pesh khwlaijakha . a salni budget pesh khwlaima pandao Mayor-no karwibo manjakha AMCni Commissioner Shailesh Kumar Yadhav .