Jeswk bijab poridi aswkno bangnai simung . Elem kwrwng wngna hwnkhe nangnai Bijab-bai bayab chari-ni halok kaham . abono naharwino bisi br...
Jeswk bijab poridi aswkno bangnai simung . Elem kwrwng wngna hwnkhe nangnai Bijab-bai bayab chari-ni halok kaham . abono naharwino bisi brum brum Bubagrakhor-o khwlaijagwi tongo Bijab banik . Bisi brum brumno kwtal kwtal theme tubui khwlaijagwi tongo Bijab Banik .Â
 (File Photo)
Taklaibo aboni pherlaimung wngliya . o March talni 25th salmario sarikni dambrwi tamphuru Hapania International Banik khor-o chengwi rwjaganw phil brwichi Agartala Bijab banik . tonganw April talni 5th salmari jora .kokthum hukumu bedekni luajimungbai khwlaijagwi tongo bijab banik abono naharwino tabuk paithak beremni tiyar khwlaijagwi tongo. Swrangsalo Bijab banikni tiyar khwlaimungno thangwi naikha kokthum hukumu bedekni Montri Sushanta Chowdhury .
 koktwma thumnairokbai dadak-sidak wngwi Montri sakha, Covid-ni ulo tabukno philbrwichi Bijab banik khwlaina thangwi tongo bedek . bisi kolokma romwino khwlaijagwi tongo o bijab banik. Salka babai hasteni bagwi belaino nangkukma o banik. laibuma khursajaknai-ni gwrwngo swlaijaknai taklaini bijap hwnwi sakha montri
A salo montri teibo sakha, o bijab banik Montri okra Biplab Kumar Deb-ni yak romwi chengjakna kok tongphano Uttar Pradesh-ni montri okra Yogi Adityanath-ni swmai tangmung pandao thanganw. Aboni bagwi Bidhansabhani Speaker Ratan Chakraborty-ni yak romwi chengjaganw phil brwichi Agartala Bijab Banik . bono karwibo manjaganw Bangladesh-ni hukumu Montri, juda juda hasteni rwchap kwrwng, swi kwrwngrok . o bijap banik-o bijab phalnai tei painairok elem ajina bagwi phainai hwnwi sakha Montri Sushanta Chowdhury.
O Bijab banikni bagwi Computerized lottery-ni bisingtwi stall bakjaganw. Aboni bagwi nangwlak mungsa registration fee . haste-ni no karwibo West Bengal, New Delhi, Assam tei phatar ha Bangladesh-ni khotol tonganw .Â
Salbrum brumno sarik bwkhak wnganw kok rwbai, swi kwrwng, rwchap kwrwngrokni dalbidal panda . abono karwibo Bijab banik-o thangthani malkhung thanglaisuni bagwi mungsa jwngjal wngyatwi haphangni bwkhaktwi tonganw khungchi bus service . Radhanagarni simi khungnwi, Chandrapur-ni simi khungtham tei Rabindra bhawan-ni simi khungba Bus service tonganw .
No comments