Koktwma thumnai rog mansinai "Health Insurance" chhep Montri okra Biplab Kumar Deb ni saktharma bai Montri okra Biplab Kumar Deb...
 Koktwma thumnai rog mansinai "Health Insurance" chhep Montri okra Biplab Kumar Deb ni saktharma baiÂ
Montri okra Biplab Kumar Deb bai twiduljak haphangni saktharmwng bai khorok saisa eba 1000 borok koktwma thumnai rokno health insurance rwna bagwi yapri naharjak kha. abono sakhwlaiwi rwkha montri Sushanta Chowdhury.
Haste haphang hasteni khorok saisa koktwma thumnai rokno eba 1000 journalists-rokno health insurance coverage -ni bisingtwi health insurance rwna bagwi yapri naharjak kha. Sakhwlaimung rwjak kha, Information tei Cultural bedekni montri Sushanta Chowdhury sakha oh yaprino bwskang salba-ni simi salsini-ni bisingonw thikna khwlaijaknai tei haphang 40 % coverage khwlainai tei 20% -no khe koktwma thumnai eba Journalist rok-ni bisingo phainai hwnwi.Â
Chwngno kebengjakmwng tei kasojakmwng-ni bisingtwi phano chini hasteni koktwna thumnai rokni bagwi samwng khwlaiwi tongo hwnwi sakha montri sushanta chwdhury. Information tei cultural bedekni nahormwng 1000 haphang bai gosejak koktwma thumnai eba sangbadik songno bisio 3 lakh rangmari Health Insurance rwna bagwi tobukha hwnwi Montri sushanta Chowdhury sakha Agartala press club -o 26 march-o songsajak kaisa hiyali hapharma pandao.Â
Montri Sushanta tei bw sakha tabokswk jora 166 jon koktwma thumanai rok haphang bai gosemwng rwjak tongo. Bono karwi bo pandao kok narwk kha Agartal press club -ni achokphang Subal kumar Dey. Songsa jakmani ulo Hasteo print Media dadak-sidak wngma bai kwbangma biyal rokno sartharmwng rwjak kha. Koktwma thumnai Shantanu Bhowmik tei Sudip Datta butharjak mani kokno khursawi Agartal press club -ni achokphang Subal kumar Dey sakha agi rogo koktwma thumnai rokno kuchugo karijakya hwnwi.
No comments