National 23 March 2022 : Thwi rwma salo hani bagwi choba khwlaiwi thwi rwnairokno borom rwna bagwi kahamkuk luajimung naharkha Modi haphang...
National 23 March 2022 : Thwi rwma salo hani bagwi choba khwlaiwi thwi rwnairokno borom rwna bagwi kahamkuk luajimung naharkha Modi haphang . Kolkata-ni Victoria Memorial-o “Biplobi Bharat Gallery” phiyogwi rwkha montri bokhorok Narendra Modi . Virtual-ni bisingtwi Gallery phiyogwi rwjakha . Swrangsalo sanjani damdok-swk tamphuru Video Conference-ni bisingtwi o Gallery-no phiyogwi rwkha Montri bokhorok . saui mankha, British bharat-o haktorni yokma choba khwlainairok -ni choba khwlaima tei thwi rwma-ni laibuma-rokno kwtal khe thai rwjakha o gallery-o .
Birbhum-ni Rampurhat patimungno twiwi khuk khengkha montri bokhorok Narendra Modi . swrangsalni sanjao Kolkata-ni Victoria Memorial hall-o songsajak pandao Virtual tangsep-ni bisingtwi kwrwngmani bo . aro kok narwkna thangwi Rampurhath-ni naislemungni kokno khursakha Montri bokhorok .
PM Modi sakha, West Bengal-ni Birbhum-ni o naislemungni patimungno twiwi ang kha khama yapharo . patimungo gwdaljakrokno bichar khwlaithani je nangsak ang kendrani bwkhaktwi haste-o chubanani kok rwkha . Ang kha Chongo haste haphang gwdaljakrokno kebengwi yapri kwrak naharnai tei o patimungo samung sitra tangnairokno chubanairok-nobo nakar kok kwrwi .
No comments