Bubagrani Dagimung bai Tangjagwi TongmaniAuditorium Hall Beraiwi Naikha CEM

News 10th July: Phasalo Killa Atharabla Amchaini Garia Academy (Model) School ni Bwkhaktwi TTAADC ni Kwtal CEM Runiel Debbarma no Yapharjakh...

News 10th July: Phasalo Killa Atharabla Amchaini Garia Academy (Model) School ni Bwkhaktwi TTAADC ni Kwtal CEM Runiel Debbarma no Yapharjakha Borom. Ah Salo bini Logio Manjakha EM C.K. Jamatia, Kwcham CEM eba MDC Purna Chandra Jamatia tei Jamatia Hoda Okrano Khobwi Garia Academy Schoolni Ojamarok.

Ah Pandao Kok Sanani thangwi CEM Runiel Debbarma Sakha, Rwngswrwng Nairok Kahamkhe Rwngswrwngungni Biisngtwi, Thinango Kwchuk Kotor wngwi bachanani Nangnai. TTAADCni Bwkhaktwi Je fund Sokphaimani, Aboni bising twino, Khlajjakya Tongmani Rwngnokni Samung humung Rokno Khlajjaknai honwi.

Abono Karwibo ah Salo Rwngnogo Rwng Swrwngwi tongnai tei Naikolwi Tongnai Ojamarokno Khaphurmani Yapharkha CEM Runiel Debbarma. Atharbla ni Garia Academy Schoolno, Phainai Salo haino hai tei Waisa Phaiwi Naiphai Phinai honwi bo Kok Ruwi Kabukhka CEM.

Pandani Paithago Ribbon Rawi Schoolni Kwtal Bus Malkhung ni Duglam no Phiyokgwi Rwjakha ADC ni CEM Runiel Debbarma. Aboni Yakulo TTAADC ni Naikolmung bai 1000 Seat ni Auditorium Hall Swnamjagwi Tongmani Samung Humungno berai Naikha Pandao Manjaknai Naruwairok. Phainai Talbwrwi Talba ni Bisingo no Phiyogwi Rwjaknai Kwtal Auditorium Hall ni Duglam.