TBSE board o phanu keche tongliya Tiprasa rok News 08-06-23: Sabroomni Magroom ADC Village Acharjee Parani  Gupi Mala Tripura taklaini Mad...

 TBSE board o phanu keche tongliya Tiprasa rok

News 08-06-23: Sabroomni Magroom ADC Village Acharjee Parani  Gupi Mala Tripura taklaini Madhyamik Examination o 92.80% mawi pass ongmani olo Salka Debbarma mwngwi bw aro khoroksa Tiprasa srwngnaini mwng kasai phaika. 

Takhlaini TBSE bai naikoljak Madhyamik Examination daiyo 500 numberni bisingo 478 number o 95.60% manwi pass khlaika Jampuijala Baganbari amchaini Salka Debbarma.

Salka Debbarma bo Sepahijala hangkorni Jampuijala Sub-Divisionni Nabasardar Parani Don Bosco Schoolni khorokcha srwngnai. 

Salka Debbarma aswk number kwbang manwi pass khlaiwi Tiprasani khano belaino khachangma khlaika kaisa khatung jaknai koktma Tiprasa bosang rokni bangwi. 

Chini Tiprasani khakhamjaknai koktma ongkha, taboksak jora aswk kwbang kwbang numbar manwi pass khlaimani olobo TBSE bai naikoljak Madhyamik aro kuchuk Madhyamik Examination thaio Tiprasarokni bisingo khorokchano board stand khlaimanai krwikho. TBSE ni final examination  Tiprasarok tangwi board stand khlaimaliya, aboni ulo toma pher tong, toma huijak koktma tong, tma chukli tong, toma huijak raida tong ibo tabok lukurokni daiyo twlwk twlwk khlai swngmwng kasai tongnai. 

Source: Kokmalama