Student rogni Roman Script sanmungo - Ulta police case rokha TISF rogno

 Student rogni Roman Script sanmungo - Ulta police case rokha TISF ni Students rogno  News 16-06-23: T hangnai 14 June salmarigo Kokborokno ...

 Student rogni Roman Script sanmungo - Ulta police case rokha TISF ni Students rogno 

News 16-06-23: Thangnai 14 June salmarigo Kokborokno Roman Script nw twi kaisa kotor sanmung okha laikha Aguli o. Tipra Indigenous Students’ Federation (TISF)ni ringjak Raj Bhavan Abhijanni Mass Rally Movement hinbotok khaijak kha. Astabal ni simi rally khaithanio TISF bodol Raj Bhavan khorang tisa okhar laiphro Cercuit House bwskango beriket rogwi kasojakha Police rokbai.  

TISF bodol hastepha, montriokra, Tiprasa hamkrai montri borogbai malaina sanphanu 2 min ni bnagwi sanu rojak liya jorta TISF ni rwngswrwngnai rok.

Saknangya khlaijakmani bai TISF bodolni khorang tisanairok naimwthang bodolrok bai kisa kokbanglaimani nujakkha. Mwngsa hojak eba warning rojakya, miking khlaiyagwino TISFni sakago water cannon bai toikutung sarkha, tear gas kokkha aro lathi charge khlaika naimwthang bodolrok. Khorok chibani salai kabang khorang tisanairok sago dukho makha. 

Ibohaikai tongkwchangni bisingtwi Roman Scriptni chobago TISFni chrai-khnairok bujagoibo lengsoka, kerong raida baibo khajakkha. Bwswk birman klaijak tabok Kokborokni Roman Script biywi choba khlainairok. 

Miya 15 June 2023 salmarigo TISF-ni chobano lagwi protester ebakhlai khorang tisanairokni sakago kerong raida phnangoi case khlaika Tripura Police. New Capital Complex PS-ni siming TISFni Central Convenor Uttam Tripurano caseni notice hoka o caseno naikolnai I/O SI Debabrata Sinha. O Notice letterni despatch nombor ongkha New Capital Complex Police Station, No. 6373, Date 15/6/23. 

Case Ref. ongkha NCC P.S Case No.2023NCC050, dated 14.06.2023, U/S-120 (B)/147/148/149/332/253/427 of IPC and Sec. 03 of PDPP Act. 

O noticeno yago mamani olo salchani bisingo NCC PS daiyo thangoi I patimwngni caseno lagwi swngmwngni phirokmwng ronani bagoi sajakkha. Aiyakhlai kerong raidani bisingtwi krak yapri lajaknai hinoi noticeni bisingtwi saka. 

Koktmago sagoi majakkha TISFni Roman Scriptni chobago thangoi majaknai khoroksnini bwmwngoi case rojakkha. Bok ongkha Uttam Tripura, Sajara Debbarma, Apu Debbarma, Tapashi Debbarma, Manihar Debbarma, Smt. Gita Rani Debbarma aro Smt. Sharmila Debbarma. 

Source: Kokmalama