PM Modi luku roknw puila hin wanswgwi nw Petrol, Diesel, Gas ni rangmari kisa rokha jephuru phano hani lukurog nono jotoni swkang. Petrol-n...
PM Modi luku roknw puila hin wanswgwi nw Petrol, Diesel, Gas ni rangmari kisa rokha
jephuru phano hani lukurog nono jotoni swkang. Petrol-ni dam khaimani yagulo twitt khwlaikha montri bokhorok Narendra Modi. Manwi khwnwi-ni dam morokmani paithago dam khaijak kha petrol-diesel-ni dam. Cha salo petrol-diesel-ni excise duty komiri rikhahaktor hapang. Abono twiwi o salo montri bokhorok twitt klhwlai swikha,, “ tinini kokchap naharmung juda juda bechebo kobolwi tongma kosom palirog kuksawi. Lukurogni langmani yapri-o kwchang boyar tubuanw.”
Cha salni sarigo petrol-o khok char, diseal khok dok rang excide duty khaiwi rijak kha. Excide duty khaima bai liter thigwi petrol-ni dam komiwanw khok chuku bachi puisa. Diseak-ni dam komiwanw liter thigwi khok sini. Central-ni rangthong montri sakha, Ujjwala yojana-ni gas cylinder thigwi khok nwira khwlai subsidy rinai central hapang. Abobai hamchamung mananw 9 kuti customerrog. Central thangthong montri sakha, bisio kai chinwi cylinder-o oh subsidy mannai. Montri bokhorok Narendra Modi-ni dagimung baino lukurogni salbrum brum rang swbaina nangmani pojano helengrinani wansugwino omohai kokchap naharjak kha hinwi sakha haktorni rang montri নির্মলা সীতারামন।
Cha salo twitter-ni bisingtwi sokjaknai thoknio sakao rang komirinani dagikha Nirmala. Bo swikha, “montri bokhorok Narendra Modi tei bini hapang krwi tei tongkosong lukurogni tektoni kokno khwnanani nango. Aboni bagwi tong kosong lukurogni kokno wansugwi omotwi yapri naharna nangkha chwng.” এক্সাইজ ডিউটি komiriwi 9.5 khok petrol dam komirikha. Diesel-o khok sini komirikha tei gas slender thigwi khok nwira komirikha haktor. Bisio kai chinwi eba 12 ta slender -o subsidy-ni sep rinai haktor hapang. abohaino twitt khwlaiwi sakha haktorni rang montri নির্মলা সীতারামন।
No comments