Durga bari cha cooperative society oh Kaji Nazrul Islam ni achaimasal palaijakha wikipedia photo Tripura 26-05-2022: Tini ni salo durga bar...
Durga bari cha cooperative society oh Kaji Nazrul Islam ni achaimasal palaijakha
 |
| wikipedia photo |
Tripura 26-05-2022: Tini ni salo durga bari cha cooperative society ni luajimung bai sangrongsalo  songchajakha Chobani koklob kwrwng Kaji Nazrul Islam ni phil sara nwichitham achaima sal.bini achaimani sal wngkha 24 may 1899 thwimani sal wngkha 29 august 1976. Bini omthai thwi kwlaimani thai wngkha churulia. Kaji Nazrul islam ni bwsarokni mung wngkha Kazi Sabyasachi, Kazi Aniruddha, Krishna Mohammad, Arindam Khaled. Kaji Nazrul islam ni nogo ringjakmani mung wngkha dukhimiya teikaisa mung pharjakmani khe tarakhepa hinwi bono nokni borokrog tei bini sakchalairok obotui mungbai no bono ringlaio.bini sakbaithang kwbangma koklobrok swijak tgo oh koklobrok swimani bagui bono independence  padma Bhushan sokat yapharjakha.tinini salo bini oh achaima salno rwgui waisaphano ah cha bagano Nazrul ni achaima salno palaijakyakhu.phiya taklai bisiono oh amchaini cherai khonaino twiwi omono puila durga bari cha bagano bini achaima salno palainani bagui katungkhajakhe obo hai panda songsajakha.
 Durga bari Tea corporative society ni naikolphang  okra Gutam chakrabarty no khobui amchaini rwngnogo swrwngnairog Kaji Nazrul Islam ni mangkayao khum tei khumtrang bogui koklopnai no borom riwi yapharlaikha.bini oh achaimasalno rwguino tini oh naithokthok panda no durga bari cha cooperative society ni bisingtwi oh panda songsawi rikha.
No comments