Kebengnai Rokni imangno Supungwi Rwkha Kwcham mantri Okra Biplab Kumar Deb Rajakhor Aguli ni Kunjaban Benubon Biharo Budha Purnima No Rwksa...
 Kebengnai Rokni imangno Supungwi Rwkha Kwcham mantri Okra Biplab Kumar Deb
Rajakhor Aguli ni Kunjaban Benubon Biharo Budha Purnima No Rwksawoi Ter songchajak Pandao Kubuni Adong rok manjaktwi Manjakgwi kha Kwcham mantri Okra Biplab Kumar Deb, Ah saal ni teri kok Narwkna Thangwi Kebengnai rokno kok Thaisa baino Supungwi Rwkha Biplab Kumar Deb.
Salnwi swkang Haste ni Mantri Okra ni achukthai Yakar mani biplab Kumar Deb, Yagulu Kwtal mantri Okra ni achukthai Chongjakha Dr Manik Saha. Swkango no sajak Kwcham mantri Okra Biplab Kumar Deb, Bharatiya Janata party ni Bisingtwi puila no koktwma manjak imang mukthwng wngwi tong lai mani Kebeng nai bodol rok hinwi,Â
Haste Pradesh Bharatiya Janata party no taibo Holong Raktwi Rakrwna Bagwi Barza Yaphar jak Biplab Kumar Deb ni Sakao , hoijak Koktwma ni Bisingtwi ahmo hai kokrok bo achaikha Rajniti Eva Thwngrwng Haparo, Phiya ah kebngnai rokni imang mukthang wnglai mano Phunukma bagwi Haino hai Lamo Chang Ri khawoi Wngkhar Phikha Kwcham mantri Okra Biplab Kumar Deb, Phiya Hasteo Mantri Okra ni achukthai o mantri Okra Biplab Kumar Deb Tongma ni Joraooh.ek Tripura Srestho Tripura Swnam nani Naharmungo Samung Tangma rok , ah Imang rok Swbaina Rigwlak.Â
Haste Tripura no Bharat Haktor ni Bising naithok tai kwchwng swnam Phunuknaino . Haste ni Chokranto Eva Chukli Swknai rok Wansuk na, biplab Kumar Deb Achukthai Yakar kha , Tabuk Tai Haste no Hamkwrai Tubui mangwlak hinwi. Phiya ah borok rokni imang Mungsa kubui wngwlak. Tangwi hwnma le Samung Tangwi no Tolao Kwlaijak Tripura no Kuchukgo Tubui phai kha biplab Kumar Deb, Tabuk tai Okolok Unsuru gwlak. Tangsal ni Sanja Jorao ahmo Haino saka Kwcham mantri Okra Biplab Kumar Deb,Â
Kwcham mantri Okra Biplab Kumar Deb ni wansukma bebakno kupulwng wnganw abw Haino Sinai Nuknai rokni Bising Wansuk laima
No comments