Eat bhata ni nokphang kok roma kok swpungkha  2021-2022 rang bisio Kumarghat bwkhasteni Tarani nagar SSBI Eit Bhata-o samung tangrwna hwnwi...
Eat bhata ni nokphang kok roma kok swpungkha Â
Khok chuku rasai bachi sai eba 9 lakh 50000 rang . Eit Bhata-ni bugra Shyama Sharma samung tangnairokno nokha salchi jora sanmani rang rwnani bagwi . phiya khajak jorani bisingo Eit Bhata-ni bugra Shyama Sharma rang rwi manya wngkheno tungphwlajaklaio Biharni samung tangna hwnwi phainairok . borogni manthai rang manani bagwi o talni brwi salmario Unakoti hangkor naikolphang tangnogo thanglaio . aboni teino salono manthai rang rwjaknani bagwi Kailasahar Kumarghat lahar muthuplaio tungphwlajak samung tangnairok . aboni ulo  Unakoti hangkorni ADM -ni twidulmungbai tang bedek, bhata-ni bugra tei samung tangnairokni bisingo koklam salaijakmani.
 O koklam pandao uansukmung naharjakmani hati barsani bisingo samung tangnairokni manthai rang rwjaknai hwnwi . aboni bisingo hati barsa romwi samung tangnairokno charwi kharwi tongna nangnai eit bhatani bugra Shayam Sharma hwnwi dagijakmani . paithago kok rwjak tongma haikheno sangrongsalo Guaranagar Community hall-o Kumarghat tei Kailasahar tang bedekni habaphang tei hangkor naikol bedekni habaphangrokni manjakmao samung tangnairokni joto manthai rang rwkha eit bhata-ni bugra Shyama Sharma .Â
 Sal kolokma romwi jwngjalo kwlaiwi tongmani ulo paithago jwngjak yak kaklaikha Biharni samung tangnairok . paithago khatung khajani bisingtwi janija nogo kiphilwi mankha Borog .
No comments