GI Tag manisinai tabok RISA sakhlai kha montri okra Biplab Kumar Deb Hukumu kupulwng Tipra Dopha. Triprasa-rogni hukumu mukumu-ni bisingo ...

 GI Tag manisinai tabok RISA sakhlai kha montri okra Biplab Kumar Deb

Hukumu kupulwng Tipra Dopha. Triprasa-rogni hukumu mukumu-ni bisingo kaisa wngkha Risa. Risa ri krwi Tiprsarog-ni mwtai-atai khwlai manya. Risa no karwi tiprasarogni hukumu pungsugwi manya. Kothomao sajakma tongo, Risa baino isri hirabati mwtai chibrwino manwi mano. Kok wngkha, Risano twiwi-no tiprasarogni langma, risano twiwino Tiprsarogni kothoma. O Risa-no sorwi borwi Sai sai bisi romwi tong-rwng (civilization)-ni haparo sara charchi ba bubagra-rog ha palailaiwi paikha. Phiyaba jora kaisao twmani pherbaibo mwranwi tongmani. Mwranwi tongma nuguibo thanai yaksi hapang nwichiba bisi romwi hapang naikolwi tongwibo mungsa jai khailia.

Phiyaba tabuk-ni Biplab Kumar Deb bai naikoljak haste hapang Tiprsarog-ni hukumu-mukumu no mwthangwi narakna bagwi chaitogwi tongo. Abonino kaisa nukmari wngkha “GI tagging mannai Risa, hukumu-mukumu mannai kwtal lama twngsa”. Risa-no mwthang narakna bagwi haste haphang tubuwi phaikha lama twngsa. Risa-no hayungo sinimung tubuna bagwi GI tagging khwlaijaganw. Tei phainai June talni bisingo-no nangmani document-rog bujokganw central government-ni thani haste hapang hai hinwi kaisa social media-ni bisingtwi sakha montri okra Biplab Kumar Deb.

Biplab Kumar Deb-ni Haste hapang jephurubo jotoni hamkrai swnamwi tongo. “GI tagging mannai Risa, hukumu-mukumu mannai kwtal lama twngsa”. O tangbwtang-ni bisingtwi montri okra Biplab Kumar Deb-ni BJP hapang-ni jotoni logi, jotoni hamari eba sobka satha sobka bikash tei ek Tripura sresto Tripura swnamna imang nukmani munkthang wnganw tei Tipura hani hukumu hayungni khurio khumwlwng swnam toniwanw .