Kwtal Power Station haino hai hasteo – phiyogwi rokha Dy CM Jishnu Tripura 06-05-2022: Hasteni chwng pherangni sep-sapno teibo charwi tis...

 Kwtal Power Station haino hai hasteo – phiyogwi rokha Dy CM Jishnu

Tripura 06-05-2022: Hasteni chwng pherangni sep-sapno teibo charwi tisana bagwi chaitokjak haste haphang . aboni-no kaisa phunukmari phasalo nukjakha Bamutia amchaio . a salo Bamutia amchaio kaisni kwtal sub station phiyogwi rwjakha hasteni Montri Okra yakchi Jishnu Debbarma-ni yaok romwi . kwtal kaisni sub station-ni simi khorok thamchinwi sai-ni swlai kwbang lukurok aroni sep sap naharwi mananw . a salni pandao Montri Okra yakchu-no karwibo manjaklaikha amchaini MLA Krishnadhan Das-no khobwi amchaini kubun luku adongrok .

Power Greed Corporation Of India-ni bwkhaktwi o sub station swnamwi tisajakha. Rang swbaijakha 28.93 crore . a salo kok narwkna thangwi montri okra yakchu sakha, thangnai bisisao kaibrwichitham sub station swnamwi tisakha haste haphang . bwskangni salobo hasteni pherangni sep-sap teibo charwi tisathani yapri naharnai haphang . tei khaksa bwkhak, sub station-ni samung dakti dakti pairwma bagwi kha phurjakha Montri Okra Yakchu Jishnu Debbarma .

Pherangni manjumung charwthani rang kwbangma swbaijagwi tongphano haste haphangni bwkhaktwi pherang-ni ol mungsa bangrwjakya hwnwi sakha Mon[tri Okra yakchu . abobai baksa, pherangni kaham sep-sap teibo rwi manani bagwi jorao janija bill rwna bagwibo lukurokni thani kok kwcharkha bo .

Bamutia amchaio kwtal kaisni sub station phiyokjakma-bai amchaini lukurokni bagwi pherangni manjumung teibo kaham wngnai hwnwi pandao kok narwkna thangwi sakha MLA Krishnadhan Das. Bwskangni salo pherangni sep-sap teibo charwi tisana bagwi yapri naharjaganw hwnwibo sakha MLA . Tei khaksa bwkhak, kwtal kaisni sub station manwi kha swranglaijak amchaini lukurok .