“Namo Biplab” ni samwngni hamkhrai kasawi phaikha Kamalpur o Talnwi ni bisingw “Sabka Sath Sabka Bikas”haste gwnangwi joto beremni lukurok...
“Namo Biplab” ni samwngni hamkhrai kasawi phaikha Kamalpur o Talnwi ni bisingw
“Sabka Sath Sabka Bikas”haste gwnangwi joto beremni lukurokni nukhungo sogwijak . Biplab Kumar Deb Montri okra wngwi swmai tangmani hasteni joto lukurokni bagwi samung tangnani. Swmai tangma haikheno samungbo khwlaiwi tongo Montri Okra Biplab Kumar Deb . Abohai khe Hasteni cha bario samung tangnairokni langmao swlaimung tubuna bagwi thangnai March talo Montri Okra Biplab Kumar Deb sakhwlaimani “Mukhyamantri Cha Sramik Kalyan Prakalp” .
O tangbwtang sakhwlaijakmani nokha talnwi-ni bisingo-no sep-sap manani chengkha Cha bari-bai kwrwngjak nukhung-rok . Chasalo Kamalpurni Mahabir Cha bario songsajak pandao kwrwngwi abohai hwnwino sakha Montri Okra Biplab Kumar Deb . Pandao kwrwngna thangwi Cha bario samung tangnairok-ni langmao swlaimung nugui , haphangni bwkhaktwi kwtal tongthai nok, lama kwtal manwi tongmano nugui belaino kha swrangjakha Montri Okra .
Nokha talnwi-ni bisingo tangbwtangni sep-sap mukthango khwlaiwi phunukmani bagwi kwrwngjak bedekni habaphangrokno social mediao kha kaham yapharkha Montri Okra Biplab Kumar Deb . Social Media-o Montri Okra teibo swikha, Montri Bokhorok Narendra Modi-ni samung tangmani lamao himwino chini haphang samung tangwi tongo . Chasalo Kamalpur-o kwrwngna thangwi Montri Okra mokol baithang nuguikha, Cha bario samung tangnairok kwtal lama, kwtal nokthai,nukhung thwgwi nwngjaknai twini sep kaham, mamui songjaknai Gasni manjumung-no khobwi dalbidal sep-sap manwi tongo .Bwskangni salo-bo hamkraini samung bwtang khwlaijagwi tongnai hwnwi sakha Montri Okra .
No comments