IIDC eba Industrial, Infrastructure Development Centre mankha Hasteni luku rok - Montri Okra Biplab Kumar Deb ni yak romwi  Sabka sath sabk...

 IIDC eba Industrial, Infrastructure Development Centre mankha Hasteni luku rok - Montri Okra Biplab Kumar Deb ni yak romwi 

Sabka sath sabka Bikash -no naharwi samung tangwi tongo BJP haphang . aboni bedek wngwino Swrangsalo kaisa hohom dodomni pandani bisingtwi Montri okra Biplab Kumar Deb-ni yak romwi phiyokjakha Dharmanagar-ni Mission Tilla-o IIDC eba Industrial, Infrastructure development Centre . A salo ri-duk raui kwtal centre-no phiyogwi rwkha montri okra .

Thangnai 2020 bisini March talo TIDC-ni bwkhaktwi o IIDC swnamna chengjakmani . khokchi rwjag chi chuku rasai eba 10 crore 19 lakh rang swbaiwi swnamwi tisajakha Industrial, Infrastructure development Centre . O Centre-no phiyogwi koktwma thumnairokbai dadak sidak wngwi Montri okra sakha, Industrial estate phiyokmani wngkha sikla-rokno samung rwna , amchai-ni hamkrai khwlaina tei joto lukurokni bagwi ajimungni lama swnamnani . 

Tangwi hwnkhe o amchai Assam-Agartala border area kwlaio. Rang kisa-bai-no Assam hasteni manwi khwnwi tubui mananw . abobai hasteni joto lukurokni hamkrai wngnai hwnwi sakha Montri okra Biplab Kumar Deb . Kwtal Industrial estate phiyokjakmani haste lukurokni hamkrai wngnai hwnwi sakha montri okra Biplab Kumar Deb .

A salo montri okra-no karwibo manjaklaikha tangjima tei baniya bedekni montri Manoj Kanti Deb, TIDCni Chairman Tinku Roy-no khobwi kubun adongrok . haste haphangni chaitokmungbai kwtal IIDC swnamjakmano twiwi kha swranglaijak amchaini sikla-sikli-rokni simi chengwi tongkosong tongnai lukurok . a salni pandao amchaini kwbangma lukurokno kuthumlaimani nukjakha .