Twi manthokha hasteo Borok munuisi-ni langmao belaino nangkukma wngkha twi . Twi kwrwi hwnkhe bororok kwthang tongwi manya . h...
Borok munuisi-ni langmao belaino nangkukma wngkha twi . Twi kwrwi hwnkhe bororok kwthang tongwi manya . haste-ni kami hathai amchaio twini jwngjal tongmano yak kakrwna bagwi haste haphangni bwkhaktwibo yapri naharjagwi tongo. Atol Joldhara Mission tangbwtangni bisingtwi 2022 bisini December talni bisingo-no hasteni nukhung thwgwi nwngjaknai twi kahamni sep rwna bagwi samung tangwi tongo hasteni kwrwngjak bedek.
Phiya abohaini ulobo nukjagwi tongo nwngjaknai twini biyal . abohai mangpili nukjakha Teliamura bwkhasteni Mungiakami Block-ni Kakrachhera ADC Villageni Bahadur Sardar kamio. O kamio khung nwichiba-ni simi khung thamchi Tiprasa nukhung tongbaio. Kamini joto nukhungno huk eba bolongni mui kwthwng thai kwthwng kholwi hatio phalwi rang ajiui tonglaio . podrepot jwngjal borogni bagwi bayap chari-ni halok. Kamio jotoni swlai jwngjal kotor wngkha nwngjaknai twi kaham. Abono twiwi kamini khoroksa chakra sakha, chongmari phaio chongmari thango swlaijakya borogni langma . chongmarini swkang kok simino rwjago nwngjaknai twini jwngjal tongmano yak kakrwjaknai hwnwi. Phiya chongmarini ulo kok rwma samungo tei nukjakya hwnwi .
 Kami amchaini twini jwngjal tongmano twiwi ADC haphango tongnai Tipra mothani luku adongrokno sajakbo mungsa yapri naharjakya hwnwi salaikha kamini bororok. Tei mungsa lama kwrwi wngwi Khowai twimani twi khogwi nwngna nangwi tonglaio borog. Cheraini simi chakra Khowai twimani twi hamya nwngwi podrepot bohokni bemar-bo manjagwi tongo . tabuk abono naithai amchaini Tipra Mothani luku adong-rok borogni twini biyal tongmano yak kakrwthani tamo yapri naharno .
No comments