Hukbar khaiwi sakbaithang bacha baikha Tripura hasteni luku rok Montri bokhorok Narendra Modi-ni emang Atma Nirbhar bharat swnam...
Montri bokhorok Narendra Modi-ni emang Atma Nirbhar bharat swnamna. Hasteo-bo montri okra Biplab Kumar Debni luajimungbai Sak sak bachana bagwi bwskango himlaijak hasteni siklarok . abohaino kaisa mangpili nukjakha Boxanagar amchaio . tabuk hukbar-o atma Nirbhar lamao himwi tongo Boxanagar-ni Ashabari amchaini Rasel Miah . haphangni chubachu manwi Boxanagarni sikla Rasel Miah tabuk khwlaiwi tongo Momphol, Sosha, Thailik, Dragon Fruit-no khobwi khobwi dalbidal muikwthwng thai kwthwng . bini samung humungno thangwi naikha Boxanagar panchayet samiti-ni Chairman Sanjay Sarkar tei Sipahijala hangkorni achukphang Debabrata Battacharjee, panchayet samiti-ni adong Nazrul Islam akosong . borog salaikha, Hasteni Montri okra-ni Atma Nirbhar-ni naharmungo kha bachaui tabuk sak sakni yakungbai bachaui tongo Rusel Miah. Atma Nirbharni boyar-bai Boxanagar-o wngwi tongo hukbarni Revolution . Rangchak ha Boxanagar-o wngnai hukbar-ni samungo phunukmari . Abo belaino kha bacharwnai bwskangni salo . Boxanagar-o hukbar-ni chasamung nukjagwi tongo haphangni bwkhaktwi kha bacharwmungni bagwi .
  Â
Hukbar khwlainai Rasel Miah sakha, Haphangni bwkhaktwi twi-ni simi chengwi dalbidal manwi khwnwi chubachu manwi tongo hwnwi . haphangni chubachu-baino hukbar-ni samung khwlaiwi tongo hwnwi sakha hukbar khwlainai Rasel Miah .Â
Atma Nirbhar -ni lamao himwi tongo hasteni lukurok . haphangni bwkhaktwi juda juda yapri naharjagwi tongo hasteni lukurokno sak sak bacharwna bagwi. Aboni-no kaisa phunukmari wngkha Boxanagar Ashabari-ni Rusel Miah. Bwskangni salo bini lamao himnai hasteni tongkosong lukurok abo sauino mano .
No comments