19th July ni simi Train choli manphirnai Tripura hwnwi khakalaijak       Agartala, 19 July [BN]: Jottono kahamkwrwng hwnkhe ...
19th July ni simi Train choli manphirnai Tripura hwnwi khakalaijak
      Agartala, 19 July [BN]: Jottono kahamkwrwng hwnkhe 24 hours ni bisingo Lumding-Badarpur Section ni Train malkhung cholimananu. Belai watwi wamabai haa rok soroi kwlaikha Train lama o aboni bagwi 12 July ni simi Train malkhung mwthakjak. Haiphano tabuk bo watwi wamani thaksukya khu. 500 jona samung tangnai rog salo samung thakphwlaiya tanglai tonglai o tei 200 jona khe horo samung khwlai o. Samung khwlaithani thepajak kha 8 ta Earthmoving machines tei Dumpers. Sapung hopung thakphwlaiya samung choli no tongo.
       Watwi phuru rogo Train ni lama derakha hwnkhe swlamjaknani bagwi simino o manwi rokno ajaga toni rwjakgu. Jottono khakalaijak NFR ni naikolphang rok saktharwi samung khwlairwi tongma bai 19 July ni bisingo no Train North-East ni jotto haste bai kwrnwngwi mananu hwnwi. Train rog FCI no koihorkha Barak Valley tei alka hasteni lamatwi chamung rwkanani yapri nahardi hwnwi.
No comments