Tripura Haste ni kwbangma kotor kotor Thwnkwrwng(Political) bodol rok Bharat Hakotor ni "Songbidhan" ni Raida no rwgwi no lamsok...
Tripura Haste ni kwbangma kotor kotor Thwnkwrwng(Political) bodol rok Bharat Hakotor ni "Songbidhan" ni Raida no rwgwi no lamsok kha NRC no
 |
| Photo source- newsclick.in |
          Agartala, 20 July [BN]: Assam o Bangladeshi rokno rwkhwlaina naima haino Tripura o bo Hasteni Thwngkwrwng bodol rog Bangladeshi rokno rwkhwlainani bagwi chiriklai tonglai o. Tripura o NRC no sanlai tongnai bodol rog wngkha BJP,Congress,CPI-M,INPT tei NPP. Thanai Talo Tripura ni kwchamkuk Tiprasa rokbai kwrwngjak Bodol INPT NRC no sanwi Supreme Court o kaisa koimung bwlai yapharkha. IPFT rogbo haino NRC no tubuna bagwi thakphwlaiya choba khailai tonglai o. Supreme Court ni dagimung baino Assam o NRC ni samung choli tongu. Tripura Pradesh Congress ni President Pradyot Manikya sakha, Supreme Court ni raida no rwgwi Haste o bo NRC cholina nangu Religion no rwgwi khwlaike chaya wgnai hwnwi sakha.Â
          CPI-M ni Central ni Committee ni adong Jitendra Chowdhury sakha, chini bodol bo NRC no sano hwnwi phiyaba 1971 ni Indira-Mujib o khajak raida rwgwi sano hwnwi sakha. Phiyaba baksa bodol 1952 bisi ni simi NRC cholina nangnai hwnwi samano bo chajakya hwnwi sakha.Â
No comments