Tripura Hasteni chwrai rok mwsamung phunuknai Parliament House o, President bai malaikha Hasteni MP Rebati Tripura tei bini bihik Photo...
Tripura Hasteni chwrai rok mwsamung phunuknai Parliament House o, President bai malaikha Hasteni MP Rebati Tripura tei bini bihik
 |
| Photo Source-Facebook [Rebati Tripura] |
          Agartala, 20 July [BN]: Tripura Hasteni Swabalamban Rehabilitation Center Abhoy Mission bai gwdaljak, aroni chwrai rok achaiphuru ni simino yakung yak manya amohai chwrai rokno "Divya Kala Shakti" National Cultural Event o mwsarwna bagwi twlangnai hasteni MP Rebati Tripura. 23 July o Dehli ni Parliament House o mwsanai hasteni chwarai rog. Panda o phaimanjaknai Bharat Hakotor ni montri bokhorok Narendra Modi tei Vice-President M.Venkaianaidu. 'Swabalamban Rehabilitation Center' ni chwrai rok panda o Tripura Hasteni laibuma ni mwsamung rog mwsai phunuknai. Aboni swlai swkangbo aroni yakung yak manya chwrai rog President Ram Nath Kovind ni bwskango mwsai phunukha tei President bai khakaham bo yapharjak kha.
            Tripura Hasteni MP Rebati Tripura tei bini Bihik miya Rashtrapati Bhawan o President Ram Nath Kovind bai malaikha. Rebati tei bini bihik President no Khum bochop yapharwi borom rwkha tei Tripua Hasteno twywi 20 Minute koklam salaikha. Rebati tei bini bihik President bai malaimani yagulo belaikheno kha tongthokjak.
No comments