Free eye checkup - Killa Amchaio

Tini 26 June 2026 ni salmario SAL KWTAL CHARITABLE TRUST ni bwkhaktwi kaisa Eye Check-up Camp tei Educational Kit distribution ni panda song...

Tini 26 June 2026 ni salmario SAL KWTAL CHARITABLE TRUST ni bwkhaktwi kaisa Eye Check-up Camp tei Educational Kit distribution ni panda songchajak kha, Dewanbari VC ni Hall nogo. Pandao Naruwai Okra wngui manjakha borom gwnang Eye Specialist Dr. Bijoy Debbarma. Pandani jorao 74 jon senior citizen rokni mokolni bemar rokno check-up khlaiui nangmani bithi-bwrai tei advice rok rwjak kha. Lekha poriui tongnai chwrai rokni yago khata, kolom, pencil, eraser, sharpener rokbo haino oh pandani jorao yapharjakbaikha.

Jottono lamsogwi pandano chengsaui rwkha Dewanbari VC ni RPM takhuk Beacon Jamatia, Tinini pandano tuiwi cherwi sukurubwi koklam narwk kha Sal Kwtal trust ni Founder Borom Gwnang Sajal Debbarma, Chini Tiprasa rokni bisingni dalbidal issue rokni sakao awareness riwi koklam narwk kha pandani Naruwai Okra eye specialist borom gwnang Dr Bijoy Debbarma. Sal Kwtal Trust no hambai yapharwi pandani paithago kok narwk kha uttar kuwar ni kami Choudhury Borom gwnang Riday Mohon Jamatia.

Tini oh pandao Sal Kwtal Trust no logi rwkha - Tripura Sundari Hospital tei Local Health Center ni medical tei paramedical team, Logi rwkha Dewanbari VC ni Office team.