Dumboor 15 crore ni Development project, ADC haphangni bwkhaktwi - thangwi naikha CEM Purna Chandra Jamatia

Dumboor 15 crore ni Development project, ADC haphangni bwkhaktwi - thangwi naikha CEM Purna Chandra Jamatia News 1 July, 2025: Tripura ni Ti...

Dumboor 15 crore ni Development project, ADC haphangni bwkhaktwi - thangwi naikha CEM Purna Chandra Jamatia

News 1 July, 2025: Tripura ni Tirthamukh eba Dumboor ni thaino tei bw naithothok khaiwi tisana bangwi kwrak yapri naharma nwk jakha adc haphangni bwkhaktwi, tini ADC haphangni CEM Purna Chandra Jamatia thangwi naikha Dumboor ter ungma thai. 

Tini Berai naithanio CEM Purna Chandra koknarwkha - ora kwbangma samwng hwmwng rogno chengna bangwi haphagni bwkhaktwi 15 crore ni samwng sanction rojakha hinwi. 

Tipra Mothani Achukphang Bubagra Pradyot Kishore Debbarma ni kotor wanswkmwng baino omo hai samwng kotor ungwi mankha hinwi sakha cem. 

“Tipra Motha haphang o phaimani yakulu chini Bubagra oh kwthar thai no tei bw kaham khaiwi swnamna bagwi chongmari naharkha.o kotor samwngni tei naharmung tei tuidulmung twi dulmungni oklok o tongw Bubagra . 

O kwthar thaio tangjaknai Dak Bungalow, bazar sheds, hingjaknai bridge, twima ganao beautification, public toilets, VIP parking, solar lighting tei bw kwbangma. 

Hangrai ni salo ora hasteni luku rok simi kwthum ya - ora phaiwi hajar hajar phatar hakotor bangladeshi ni luku rok bw phaiwi manjak phaio bisi bwrwngno. 

Tini o site visit khaithanio logeo thangwi manjagwi kha CEM ni logi EM Rajesh Tripura, Additional CEO Naresh Jamatia, Gomati ni Chief Engineer, Executive Engineer, Korbook ni DCM, tai kubun ADong rok bw.