Belonia Ganao Bharat Hakotorni Bisingo mankha Bangladeshni Drone Tripura, 07 March, 2025: Â South Tripura amchaio Bharat-Bangladesh ni borde...
Belonia Ganao Bharat Hakotorni Bisingo mankha Bangladeshni Drone
Tripura, 07 March, 2025: Â South Tripura amchaio Bharat-Bangladesh ni border ni ganao tongnai Ballamukha kamio Bharat Hakotor ni bisingo 300 metre ni bisingo kaisa Bangladesh ni drone mankha. Drone no kheto o kwlaijak kahiwi mankha, aboni bagwino amchai ni borok rok belai kheno kirijak kha tei wanajakma koktwma kasawi phaikha.
Koktwma mankheno Police phaiwi sokphaikha, amchaini borokrok 7 AM jorao sakni kheto-o samung tangwi tongphuru drone no nukkha tei thwngwi police no koktwma rwkha.Â
Amchaini borok Sadhan Majumder sakha, omo hai manwi nukwi bohrok belai kheno uanajak kha tei abo border phatarni phaimani wngwi mano hwnwi chunglaikha.
O koktwma manwi Belonia Police Station ni khoroksa team a jagao sok phaiwi drone no romwi tisa laikha. BSF bw o Drone manma thaio phaiwi sokphaikha.
Police officer Swapan Sen sakha, O koktwma mankheno borok o thaio phaiwi sokphaikha. Tei phaiwi sawi mankha Bangladesh Hakotorni Drone ungwi manu hinwi. Salnwi saltham romwi o thaio salbwrwng o Drone birsawi tongw hinwi.Â
No comments