Khowai amchaio Bwrwi bwsa romphrema koktwma kasawi phaikha haino hai, Romphre nai tabok Police Custody o Khowai, 05 November, Tripura: Khowa...
Khowai amchaio Bwrwi bwsa romphrema koktwma kasawi phaikha haino hai, Romphre nai tabok Police Custody o
Khowai, 05 November, Tripura: Khowai amchai ni Kachubari kamio khoroksa belai kheno lachimasingsa khe 2024 bisini August talni 18 salmario 15 bisini bwrwi khoroksano romphrema koktwma kasawi phaikha. Romphre nai borok warning rwkha romphrejaknai nukhungni boroknw, omo hai khe wngmani kokno Police thani sa di hwnwi, tei police ni thani thangkhe, bohrokno bwthar rwnai hwnwibo threat rwkha.Â
Nukhungni borokrok sakha, o majra berjaknai local Indigenous political dol bai kwrwng jak hinwi, bohrok teibo kirijak kha police o phainai.Â
O patemungnw twiwi police o reports khaijakma ulo, Champahaor station o police case number 17/2024 ni bisingtwi case khwlaikha, Indiani kerongni 65(1) tei 351(3) ni kerongno twiwi, tei Protection of Children from Sexual Offences (POCSO) Act( POCSO) ni kerong bai case khwlai jakha. Investigation officer Sushmita Kapali o case nw naikolnai, Police official ni bwkhaktwi sakha je romphre nai nw borog miya nw custody o dakha hinwi.Â
No comments