SPO sevak rogni bangwi koktwma kaham

 SPO sevak rogni bangwi koktwma kaham News 31-07-2024: Phainai talni simi khenw SPO sevak rogni bangwi hamkhrai kasawi phaisinai. Kwdwkma bi...

 SPO sevak rogni bangwi koktwma kaham

News 31-07-2024: Phainai talni simi khenw SPO sevak rogni bangwi hamkhrai kasawi phaisinai. Kwdwkma bisi romwi Tripura hasteo SPO sevak khainai rogni salary eba beton bareya ungwi tongmani tini sakhlaikha bare rojaksinai hinwi. Press meet ni bisisngtwi sakhlai kha Montri Sushanta Chowdhury. Miya kwdwkma cabinet meeting achok laimani yakulw kwbangma haphangni bwkhaktwi yapri sejakha. 

Tripura hasteo 3000 ni saikwbang SPO, tei 200 ni sai kwbang SPO driver tongw - phiya aghio SPO tei SPO driver ni salary o kwbangma pherlaimung tongw. SPO khainai 7000 ni sai kisa kwbang doromanu, SPO driver hinkhe 9000 kisa bangdra. 

Phiya tabok haphang kainwi post no nw 12,000 khaiwi betan ronani sakhlai kha. Omo belaino koktwma kaham SPO sevak khainai nukhungni bangwi. 

Tei bw sakhlaikha press meet ni bisingtwi kwtal job tulang na rok.