TTAADC ni thani koimung bwlai Kaubru koknw gosewa bangwi

News14,june 2024: TTAADC amchaio Kaubruno gosemwng ronani, TTAADCni rwngnogo Kaubru subject-no sitongnani koimung bwlai tini BRU SNUNGNAI M...

News14,june 2024: TTAADC amchaio Kaubruno gosemwng ronani, TTAADCni rwngnogo Kaubru subject-no sitongnani koimung bwlai tini BRU SNUNGNAI MTHOH (A REANG STUDENTS' ORGANISATION) -ni bwkhaktwi Tripura Tribal Areas Autonomous District Council ni Chief Executive Member machang Purna Chandra Jamatia ni daiyo memorandum bwlai yapharlaikha. 

Sathai kwlaio, jora kolokma rowi Reang eba Bru dophani lukurok borogni amani kok Kaubruno hapangni daiyo gosemwng bilaiywi phaijak. Borogni bimwngno jai-jai khlai naikani khwlaiwa bangwu Tripura haphang kaisa Expert Committeebo khajak. Tabok o committeeni report haphangni daiyo khwlainai olo tma yapri seno omo naigwi naithai.

eyang thangnai jora kisa swkango hasteni kwbangma degree college daiyobo Kaubruno kaisa subject khwlaiwi phrwngwani bangwu principalni thani memorandum balai yapharlaikha Bru Snungnai Mthoh (BSM).

 Tinibo TTAADCni haphangni thani Kaubruni gosemwng bangwi memorandum balai yapharlaimani omo lagwi TTAADC Tipra Motha haphang bwswk joratwi borom rogwi yapri seno aro jai-jaikhlai samwng charono omo jorano naising naithai. 

TTAADC haphangni ojamarokbo o kokno mwito narwkthai, hasteni chorok habasa (indigenous) rokni hamkhraini bagwino swnajak TTAADC. Aini bagoi chorok habasani amani kok, hukumu mukumu, laibumano rwngoi larwknani, gosemwng ronani ongkha TTAADC hapangni samwng. Aini bagoi Kaubruni gosemwng bimani ibo bokni mathai-sokthai se. 

Source: hani kokmalama