Borok kuplwng East (ST) BJP nomination romathaio: Kriti Singh Debbarma ni Ambassa 28 March, 2024:Â Tini East Tripura ST Loksabha thaio batai...
Borok kuplwng East (ST) BJP nomination romathaio: Kriti Singh Debbarma ni
Ambassa 28 March, 2024: Tini East Tripura ST Loksabha thaio bataina bagwi nomination bwlai joma rokha BJP ni ungwi Bubagrajwk Kriti Singh Debbarma. Tipra Motha bai kwthalaima yakulo BJP ni ticket mankha Tipra Mothani borog.
Tipra Mothano sungsanai Bubagra Pradyot Kishore Manikya ni bibi Kriti Singh Debbarma, Bibino kwplai khaina belai saktharmung nwk jagwi tongkha o Loksabhani bangwi. Ora thangwi sogwi kha Tripura Hasteni Montri okra Dr. Manik Saha tei BJP Tripura Party President Rajib Battacherjee tei Montri Santana Chakma, Montri Tinku Roy tei kwbangma kubun adhong rok.Â
Bibi si bachana thangwi tongw hinkhe Bubagra Pradyot khe thang yaide tongnw? Bubagra Pradyot bw thangkha nomination romathai Ambassa o.
East Tripura thaio kebo narwk manglak hinwi khathangsa laijak BJP IPFT TIPRA MOTHA Supporter rok. Hahom dodhom khaiwi thanglaikha tini Ambassao. Phainai joraono sawi manlaisinai bahai ungnw.
No comments