National Ayurveda Day palaikha Tripura hasteo  News 11 November 23: Miya  kaisa pandani bisingtwi Agartala Rabindra Bhawan o  Hayung Ayur...
 National Ayurveda Day palaikha Tripura hasteo
 News 11 November 23: Miya kaisa pandani bisingtwi Agartala Rabindra Bhawan o Hayung Ayurveda sal palaijakha. O panda no sungsawi rokha Montri Tinko Roy. O salni pandao Tripura hasteni dalbidal hangkhor tei bwkhaste samung tangwi tongnairog kwrwngkha. Swkango sakhwlaijak tongmano rwksawino o salno twiwi hohom dodomkhe palaijakha.Â
A salni panda mantri Tinku Roy, sakhamni tangdalni koklam agini jora bahai tongmani tei tabuk bahai wngwi phaikha sakhamni tangdal abo norog jotono sawi mano. Bwskangni salo teibo hamkrai phainai Bjp haphang tongsak hwnwibo sawi khwnarwkha.Â
Tomung dalbidal jwngjal phaiwino mano samung khwlaithani phiya o jwngjal bahaikhe sokomorwi man ayang bwkhak norogbo Ayurveda ni bisingtwi yapri selaina nangnai hwnwibo sawi khwnarwkha Ayurveda ni khoroksa kuchuk beremni saknaikwrwng.Â
Teikhaksa bwkhak panda paithago Ayurveda ni samung kaham khwlainairogno borom tei sokat yapharjakha.Â
No comments