Eat khachiwi bwma bwsa no swbha bwthar kha? Tungphla laijak News 06-11-23: Osa mwtaini jorao (22 Oct) Tinigoria kami, Amarpur amchaini han...
 Eat khachiwi bwma bwsa no swbha bwthar kha? Tungphla laijakÂ
News 06-11-23: Osa mwtaini jorao (22 Oct) Tinigoria kami, Amarpur amchaini hanjwk imang haya nwgwi hinwi nokni okhar mani. Sakni bwmano nainai hinwi 13 bisi omorni sajwk no logeo twiwi thangma tei kiphiliya sakni nogo - sogwi liya bwmani ora bw Golghata kamio.Â
Paithak o bahai khe bwthar jakha khunawi wana laijak luku rok?
Koktwma o sawi mankha nogo kisa sai bai kisa kwtwk laima mani yakulo - Amarpur PNB Bank o rang tisawi thangma. Kwthwi mansio Dumboor twi kotor o. Kwma jak 8 din laijak - Missing bw swilaikha Ompi thano.Â
Kwthwi mankha 1 November o - eat 20 ta khachwijak khaiwi tei bwthar jakha. Mankha AA ronai rok - rasia amchaini luku rok. 1 tarik bwma ni kwthwi manma yakulo teini dino mankha sajwkni mang kwthwi bw.Â
Nukhungni borok koksilsa kha Burboria kamini Ananta Jamatia bwtharkhana hinwi - borog tei bw salaikha aghi bo Ananta kwbangma borok nw bwthar jak hinwi. Osa mwtai ni jorao kisa misa chowak khanwi Dumboo phaising tulangwi bwma bwsa romphrewi eat khachiwi bwthar khana hinwi.Â
Jamatia Hoda okra rok thangwi sogwikha jasai naiwa bangwi - Daity nw naitwk karewa bangwi khorang tisana chenglaikha kami luku ni borok rok. Homchang twilaijak Tingoria kamini luku rok miya 5 November ni sarik o.Â
 O koktwma o khunawi wanalaijak jotono Tripura hasteo Tiprasa ni bisingw aswk doro khaiwi waisa phanu koktwma khunaya khona hinwi.Â
No comments