Agartala ni yakulo haino hai Udaipur hati nok hor nangkha News 28,11,23:  Thangnaio no Agartala Battala hati khamwi thapla chakha 1.5 Crore...
 Agartala ni yakulo haino hai Udaipur hati nok hor nangkha
News 28,11,23:Â Thangnaio no Agartala Battala hati khamwi thapla chakha 1.5 Crore ni sai kwbang rang marini manwi khuknwi - Miya haino hai Hor bai khamwi thapla chaphikha Udaipuro bw. Tangwi hai ungwi tongkha wanajak luku rok.Â
Tang sal ni hor kwthugo kirima sinsa khe hor nang kha chokbazar o. deramwng o kwlai kha khung chi char phal nok rok. ah pati mwng no twi hai hola ung lai jak amchai gwnagui no, amchai ni bwkhak ntwi saimankha, tang sal ni horo chokbazar ni khung nwi khung tham phal nogo hor nang kha, udaipur ni central road twi nogo kiphilwi tong mani jora o amchai ni loku rok nugwi mankha chokbazar o hor nang kha, logi logi no koktwma rwkha hor bwthar nai tang bedek o,koktwma sai manwi kai nwi engine phawi sokphai kha pati mwng thaio o.
Phiya ba hor abo hai khe nang kha, killa, kakraban tei OTPC ni simi teibo kaiba engine phai kha. dam tham ni ulo hor rok mwthagwi mankha, Short circuit ni simi no hor nang kha hwnui wansugwi tong kha. tei khak sa phasing khe hor nang mani pati mwng saimanwi no chokbazar o thangwi sogwi kha udaipur poura parisad ni naikol nai Shital chandra majumdar, berainaikolwi bo saklai kha, deramwng o kwlai jak joto bania khwlai nai rok bai logi tong nai udaipur poura parisad tei haste hapang. phai tong nai salrogo abo hai hor nang mani pati mwng ungya twi kaham khe naikol nai udaipur poura parisad.
No comments