Swrapsani bising thapla chawi thang Abhoynagarni Osa Mwtainok Agartala 18 Oct, 23: Agartala Ujjan Abhoynagar ni osa mwtainok swrapsani bisi...
 Swrapsani bising thapla chawi thang Abhoynagarni Osa Mwtainok
Agartala 18 Oct, 23: Agartala Ujjan Abhoynagar ni osa mwtainok swrapsani bising khamwi thapla chakha tini. Ora swnamwi tongphanai Bir Chandra Rupini sakha borokni manwi khuknwi bw thapla chawi thangkha hinwi.Â
O Osa nok swnamthanio talsa talnwi romwi swnam tongphaimani - phiya paithakni salono Hor khamwi thapla chakha. Khorang bai chiriik phanu Hort narwk manliya, Club ni adhong rok bw haino - Fire Service no call khaiphanu hor swk dowi manliya borok bw. Fire service phai sokphai swrapsa ya hinkhe tei bw khamkhamo kubun dukan nok rok bw.Â
Rupini ni manwi khuknwi rok bw khamwi thapla chabai kha, ora kwbangma tongw light tei sound hai rok. O khamani thaio thangwi sogwi kha Tripura hasteni Montri Okra Dr. Manik Saha tei official ni adhong rok. Boroknw sakha Haphang borokno chuba wanu hinwi.Â
No comments