Tipra Motha bai BJP tei salnwi saltham ni bisingw Alliance unglai manu? News 21-01-2023: Luku rokni khunjuo swrai swrai khaiwi koktwma kasa...

 Tipra Motha bai BJP tei salnwi saltham ni bisingw Alliance unglai manu?

News 21-01-2023: Luku rokni khunjuo swrai swrai khaiwi koktwma kasawi phaikha BJP - Tipra motha alliance ungna koktwma. Vidhansabha election gandar phaikhenw tei bw swrai swrai ungwi phaisakha tabok. Eyang tei kubun batainai bodal ni ungwi kwthawi tongma nwk jagwi tongkha Tripura hasteni kwcham batainain rok CPIM tei Congress party kwtha laijak ungwi batainai hinwi luku roknw sakhlaiwi rokha. 

25 bisi CPIM congress party batawi phailaima tabok tangwi borog kwtha laijak hinwi luku rokni khao swngmwng kasajak. aswk bisi luku roknw omo hai phunugwi phaima tabok bayap ungwi si bataina thangwi tongw Congress tei CPM. 

Phiya Tipra Motha sungsanai Bubagra Pradyot Manikya tabok phanu khatam kolom khaiwi borogni sanmungnw gosi khe borok kwtha laiwi manu hinwi koktwma. O Greater Tipraland ba tamo? tabok phanu luku rok swrai swrai khe sawi mansok laiya khw. Baksa sijaknwkjak rok salaio TTAADC o direct funding ni bangwinw o phaithak chuba hinwi tei bw Tipra rokni sanmung tei cherjakya khaiwi tonga roknw supungna. 

BJP party Tipra Mothani sanmungnw gosekha hinkhe nw borog bw BJP bai alliance ungwi 2023 ni election o batainai.