Khumulwng press club kwbangma sanmwngnw twiwi sanmwng bwlai yaphar kha CEM Purna Chandra Jamatia ni thani News 05-08-2022: Chwng Jottono Ka...
 Khumulwng press club kwbangma sanmwngnw twiwi sanmwng bwlai yaphar kha CEM Purna Chandra Jamatia ni thani
News 05-08-2022: Chwng Jottono Kaham Kheno Saowi Mano, Jati Dopha tei Society ni Swkangmung ni Olkugo Media eba Kokthum Bedekni Kwlaithai Belai kotor. Phiya ba Chwng Chini Media eba Chini Kokthum Bedekno se Develop Khlai Tisawi Manya Honkhe, Chini Jati Dopha tei Society Nobo Develop Khlaiwi Manya wngnai. Aboni bagwi Puila Swkang Chwng Chini Media eba Kokthum Bedekno se Kwchugo Tisanani Nangnai. Oh Kok Bothomano Bwsakngo tonwi no Haste Haphangni Kosolo, ADC Haphangni Bwkhaktwi bo Advertisement Policy Swnamjaknani Sanmungno Khobwi Bebagwi Kaisni Sanmungno twiwi, Sangronsgalo ADC ni Samung Chariphang Adong (CEM) Purna Chandra Jamatia ni Thani Deputation Yapharkha Khumulwng Press Club.Â
      Ah Salo Deputation eba Sanmung Bwlai Yapharmani Jorao, Manjakha Khumulwng Press Clubni Achukphang Angshu Debbarma, Tangphang Ranjit Debbarma, Achukphang Yakchu Rev.Nripendra Debbarma, Tangphang Yakchu Manas Debbarma, Rangphang Amulya Debbarma, Khumulwng Press Clubni Adong eba Rising Tripura Channelni Ojama Hanif Ali, Khumulwng Press Clubni Adong eba Times 24 ni Anchor Gobin Debbarma, Khumulwng Press Clubni Adong eba Search India Channel ni Editor Sekhar Debbarma, Khumulwng Press Clubni Adong Krishanu Debbarma, Animesh Debbarma, R.K Suar, Jitu Debbarma, Surajit Rupuni, Ashok Debbarma, Malin Debbarma tei Prabir Debbarma.
       Kainsni Sanmungrokni Bisingo tongo, Haste Haphangni Kosolo, ADC Haphangni Bwkhaktwi bo Tiprasa Media House Rokni bagwi Advertisement Policy Swnamjaknani, Choyawi Tiprasa Media House Rokno Advertisement Rwjaknani. Kokthum Bedego Samung Khlainai Tiprasa Sikla Siklirokni Khatungmung no taibo Kwchugo Tisanani Naharmungo, ADC Haphangni Bwkhaktwi Financially Assistant Rwjaknani bagwi, Bwskangni Rang Bisio ICAT Bedekni Rangmari Bangrwjaknani bagwi, Kokthum Bedego Samung Khlainai Tiprasa Media Adongrokni bagwi Health Insurance Choil Khlaijaknani, Khumulwng Press Club oh Kaisa Kaham Beremni Conference Hall Swnamwi Tisanani tei ADC Haphangni Bwkhaktwi Kokthum Bedego Samung Khlainai Tiprasa Media Adongrokni bagwi Journalism ni Training tei Workshop Khlaijaknani.Â
      Tiprasa Media Adongrokni Hamkraini Kokno Wansugwi, Khumulwng Press Clubni Jotto Sanmung Nono Dakti Dakti Supungwi Rwjaknai Honwi Phirokmung Rwkha, ADC ni CEM Purna Chandra Jamatia.Â
     Yang tei khaksa Phaising Khumulwng Press Clubni oh Sanmungrok, Tiprasa Media Adongrokni bagwi Belai Nangkukmani Honwi Sakha, ADC ni CEO Mwchang C.K Jamatia. Aboni bagwi Dakti Daktino oh Sanmungrokno twiwi Saktharmung Naharjaknai Honwi Sakha Mwchang C.K Jamatia.Â
    Phiya oh Sanmung Rokno Supung Thani Tal Bwsuk Jora Naharno ADC Haphang, Abo Jorano Kok Sanai.
No comments