Japan ni Kwcham Montri Bokhrak Shinzo Abe thwijamanu twi Bharat hakotoro lengla mwng rojakkha

Japan ni Kwcham Montri Bokhrak Shinzo Abe thwijamanu twi Bharat hakotoro lengla mwng rojakkha   News 09-07-2022: Bharat hakotor bai Japan Ha...

Japan ni Kwcham Montri Bokhrak Shinzo Abe thwijamanu twi Bharat hakotoro lengla mwng rojakkha

 News 09-07-2022: Bharat hakotor bai Japan Hakotorni laibuma ni kok sana thangkhe aghini simi nw halok kaham tongwi phaimani, tabok bw aswk nw kaham. 

Halok ni bisingtwi jwngjal nw buchi laima - chuba rogo chuba laima aghini simi nw nwk jagwi tongwi. 

Miya tongma chama kwcham Montri bokhorok Shinzo abe khoroksa Japan hakotorni sikla boni yakni swnam jak silai bai koktharwi bwtharwi phaikha. O koktwma manwi hayung gwnangwi lilakrowi rokha. 

Halok aswk khe kaham Dharma ni bwkhaktwi bw aswk nw khakpilaijak Bharat hakotor bai.

Hayung nw karwi Bharat hakotor ni luku rok bw aswk khakham laijak Bharat hakotorni jotoni sai loge kaham kwmama bangwi. 

Bharat Hakotorni Montri Bokhrok Narendra Modi baibo aswk nw halok kaham tong mani. Kha khamjak PM Modi bw. Tini 09-07-2022 sal mario Shinzo Abe mwtai chawi thangjamanu twi khunum samwng - haiyakheba lengla mwng sakhlai kha Bharat hakotor gwnangwi. 

Tini Bharat hakotoro Govt Office ni samwng hwmwng rogo lengla mwng rojakha. Abono karwi bw Flag bw rosawi tong rojagra kha.