Phejaknai manui yakarna thang mani thwi kha khoroksa sikla Tripura 13-06-2022: Sikla rok phejaknai manuio kwlwk tong phanu jora tongsini sa...

Phejaknai manui yakarna thang mani thwi kha khoroksa sikla

Tripura 13-06-2022: Sikla rok phejaknai manuio kwlwk tong phanu jora tongsini sak nu banchirina bagui Nesha mukto kendra eba phekma hamrima center o thangui naijak tong bai jao . Abo hai khe nu phekma manui ni yak kakna bagui Bapon Das mungui khoroksa sikla talnwi hai swkang Shilchar ni Disha Foundation mungwi kaisa Drug Rehabilitation center oh sak naijakna thangmani thwi thangkha bo . Aro thangmani yakulo bo langma chona nangkha hinui kok silsakha thwijanai Bapon Das ni nukhong ni borokrog . sak banchirina hinui thang mani bahai k thwikha ah sikla tabok o patimung nu twi nangmani soi naichermung khwlaina hinui sankha Bapon Das ni nog ni borokrog .Bini mang khwtui nu manui nogwi kap tonglai jao bini nog ni borokrog . khongsa nuk ni sikla cherai jorao nu langma chona nangkha drugs hai manui sitra nu twi. Abo ni bagui joto luku roknu koimung naharjakgo abotwi manui hamya nu yakarna tei saknu banchirina chaitokna bagui .