Kedarnath mwtai khulumna thangui thwikha khorkkbrwi borok Corona akar tong ma bai thangnai kisa bisi romui Hindu boktorok kwthar thai rokgo...
Kedarnath mwtai khulumna thangui thwikha khorkkbrwi borokÂ
Corona akar tong ma bai thangnai kisa bisi romui Hindu boktorok kwthar thai rokgo thangui manya wng tongma bai taklai bisio teisa chengsai rijak kha Tritho o thangmarok . Thangnai 13 may salmario chengui rijak kadarnath mandir o thangma yatra . kedarnath mwtai ni mandir Uttrakhand haste ni Rudraprayag district oh khupjak Hathai amchaio wngma bagui aro thangnai luku rok loko lama himbotok himuima thango. Kuchuk thaio ah mandir wngma bai aro oxygen manya wngui kwbangma boktoroknu lengui kwlaio , baksa hinkhe lamabo choi thango. Â
Omo hai khe nu kwrak salo kedarnath thang phoro khorok brwi borok langma chokha. Â Aro thwinai rok wngkha uttar pradesh ni Lalmon Yadav bini umar dokchinwi , Maharashtra ni Prasnta Bangshi jalukar bini umar dokchitham tei Rajashthan ni khoroknwi Satyanarayan Sharma bai Tulachi Devi borokni umar bisi sinichi bai bisi dogchi sini. Himlai tongma jora o borok lengui kwlai thango. Â Sakham nogo sokgui na swkango nu thwikha borok. Borokni mang kwthwi nu postmortem khaina twlangkha police. Â Kuchuk thai oxygen manya wngma bai nu heart attack manjakgui kwbangma boktorok haikhe thwio kedarnath yatrao .
No comments