Congress Candidate Sudip Roy Barman saksakno kwlaiwi political thwngkha? Tripura 20-06-2022 : Khwna hasteo by election ni vote awaimung pait...

Congress Candidate Sudip Roy Barman saksakno kwlaiwi political thwngkha?

Tripura 20-06-2022: Khwna hasteo by election ni vote awaimung paithak sal  abo ni bagui haste juda juda thwrwng bodol rok tong kwchangni bisingtwi  vote awaimungo jai nangui awai tonglaio . Haste congress ni by election o 6 no vidhanshuba ni batainai Sudip rai Barman kokti salni horo  salbrum ni hai vote awaimungo nokhoro. Aguli ni  Abhoynagar amchai vote awaitong phoro samung sitra tang rok bai choprapjakgo Sudip Roy Barman.  Aboni bagui belai sak dukho manma bai bono ILS sakham nogo twlangjak kha . Kaisa CCTV footage ni bisingtwi o patimungni kisa mangpili nukjakgo , aro nukjakgo samung sitra tangnai rok Congress ni bana rok swbai sukrup khaimani .

Sak dukho manjak Sudip Roy Barman nw sakham nogo nai na thangkha Kebengnai Yaksi bodol ni CPIM ni manik sarkar , kwcham MP Shankar Prasad Datta , kwcham montei Manik dey tei 6 no agartala amchai ni CPIM bodol ni batainai Krishna Majumdar . Borog aro o thangwi kwcham MLA -ni sakni kaham hamyano swngwi nailaikha.Tabok congress bodol ni adong rok ni kok silsamung wngkha o patimungo BJP bodol ni yak hinui . borok tei bo sakha patima thaio police birindiya rok tong phanu mungsa khaiya borok hai nai simi tonglaio hinui . patima thai cabinet minister Shushanta chowdory bo tongo koktwmao saimankha.Tabok kha khwlaijakgo dati sak hamui phaithon batainai sudip roy barman .