Saknangya khaijak kha koktwma thumnai rok Teliamura 30-05-2022: Tripura Haste phatarni kaisa swnamnai company Assam – Agartala 8 no. lahar...
Saknangya khaijak kha koktwma thumnai rokÂ
Teliamura 30-05-2022: Tripura Haste phatarni kaisa swnamnai company Assam – Agartala 8 no. laharno swnamnani samung manwi samung khwlaina chengo tal kisango. Phiyaba samung chengphuruni simino oh swnamnai company-no twiwi juda juda kebengmungni koksilsamung kasajak. Tabukni jorao watwi kisa phaima baino oh company samung khwlaima chathaya tei jai krwini bagwi hachwk beremni laharo malkhung laisuna bejuao kwlaijak cha sal phungni simi. Lama thang laisu khainai rok belai jwngjal o kwlaijak lukurok. Oh lama swnamnai company-ni khoroksa sebuk-ni thani lamani kokno twiwi saimanna bagwi swngmanile koktwma thumnairog bai kaham khaise kok saya tokra mangse riwi tongo. Koktwma thumnairogni swngmungno sana karwile bose koktwma thumnairogno video tisawi pailaiya hoilaiya wngjak.
Tripura haste-ni koktwma thumnairogno jai khaijakya wngmani. Abo kwtal kokya. Tripura-ni koktwma thumnairog jai nangjakya wngmani patimung krwngsaya krwngsao patiwino tongo. Assam- Agartala lahar kereng kurung wngwi tongmabai passenger malkhung ni simi chengwi manwi-khwnwi rwkanai malkhung malwi maya wngwi tongma , bejuao kwlai tongma rognole sayawi tongkhe chalaiglak kha. Phainai salo oh lahar hmya nu twi tamo samong khaijaknai nai naisingui tonglaio lukurok .
No comments