Montri okra Biplab Kumar Deb nw hambai yaphar laikha luku rok Pratabghar o rang saisa ni chamung packet sogwiri mankha Biplab kumar Deb coro...

Montri okra Biplab Kumar Deb nw hambai yaphar laikha luku rok

Pratabghar o rang saisa ni chamung packet sogwiri mankha Biplab kumar Deb corona ni jorao. Pratab ghar-ni joto nukhungo no corona tika ririwi mankha montri bokhorok Narendra Modi-ni twidulmung bai Montri bokhorok bai Biplab kumar Deb. Kwcham hapang hinkhai pratabghar no simalwngsi swnamkhamun. Swrang salni hambai yapharmung pandao obohaino kok sakha montri okra Biplab Kumar Deb.

Hasteni brwirogno rangthongni sakao phan kwrak khwlaina bagwi 33 percent khatimung rinani bagwi hasteni Bono karwibo trhangwi sogwikha BJP haste ni achukphang Dr. Manik saha, AMC-ni Mayor Dipak Majumdar, Haste bwrwi morcha-ni achukphangjwk Papiya Datta tei MLA Rebati Das no khobwi kubunirok. Pandao kok narakphuru montri okra sakha,, Pratabghar o rang saisa ni chamung packet sogwiri mankha Biplab kumar deb corona ni jorao. Pratab ghar-ni joto nukhungo no corona tika ririwi mankha montri bokhorok Narendra Modi-ni twidulmung bai Biplab kumar deb. Kwcham hapang hinkhai pratabghar no simalwngsi swnamkhamun.

Ah salo montri okra bini kok narakmungo teibo sakha kubuni party-ni samung tangnairog bai BJP ni samung tangnairog juda.. BJP ni samung tangnairog bai kebono sursana kwrwi.

Ah salo montri okra no dadak sidak naina bagwi bankumari netaji sanga-ni nokhwlao nongkhorlaikha watwi manjagwi. Baksaba watwi majagwi baksaba sati hunglaiwi montri okrani lukuthum pandao manjak phaibaikha. Ah salni lukuthum pandao lukurogno kuthuma nugui montri okra bo swrangjak. Brwirogni phan kubui mukthago phaima nukjakmani bisingo haste Tripura bo kaisa. Omohaino sakha montri okra. okra Biplap kumar Deb tei haste hapang-no hambai yapharkha swrang salo sahartali-ni bankumari amchaio hambai rimung panda songchakha 13 no. pratanghar mondol. Ah salo phungni simi watwi wawi tongmano mechenwi o hambai yaphamung pandao thangwi manjagwikha montri okra Biplab kumar Deb.