Ambassa o twini biyal kwlaijak luku rok Ambasa 18-05-2022: Nwngjaknai twi tei pherang sanmungno twtwi Ambassa bwkhakste-o khobjak bagmara ...
 Ambassa o twini biyal kwlaijak luku rok
Ambasa 18-05-2022:Â Nwngjaknai twi tei pherang sanmungno twtwi Ambassa bwkhakste-o khobjak bagmara amchai lahar-no kasulaikha bagmara village amchaini lukurog. Borgkni kok tisamung borogni amchaio sal kolokma romwi pherang-ni biyalo kwlaijak. Pherang krwi wngma bai nangma jorao nwngjaknai twi maya wngwi tongkha. Kisisa watwi wakhaino pherang eba corrent phaiya wngwi thango.Â
Pherang tangkhoro waire wai saphano mungsa khwlaijakya. Aboni bagwi swrang sal-ni phungo ambassa – kamalpur lamano kasuna nanglaikha amchaini lukurog. Dam kolok romwi lama kasulai tongphano hapang-ni khoroksa tangphang-bo naisonwi naiwiyakhu tabuksak jora. Yangkhai lama botok malkhung kwchajak. Watwi bising bising phano kasulai tonglaijao lama kasunairog.
No comments