Toktwi cartoon sogwi thumani Sago Hor nangwi thangkha - Thampui waro hinwi  Tripura 20-04-2022:  Kwraksalni horni damchinwi-swk tamphuru Ru...

 Toktwi cartoon sogwi thumani Sago Hor nangwi thangkha - Thampui waro hinwi 

Tripura 20-04-2022: Kwraksalni horni damchinwi-swk tamphuru Rupashree horni chamung chabaiwi thunani swkang thampui uaro hwnwi toktwi cartoon sogwi thumani . phiya mwktrwio toktwi cartoon khamwi nokni manwi khwnwio hor nangna chengo . aboni ulo hamjwk-ni sago hor nangwi thango . Bihik-ni chirikma khorang manwi phaio bwsai Prasanta Majumder . bihikno mwthagna thangwi sago hor nangkha Prasanta . kwraksalni horoni bisingo-no hangkor sakhaknokni simi khungnwi ambulance phaiwi bihik-bwsai-no Agartalao tubujago .

Phiya lama adang madango-no hamjwk Rupashree-ni langma chokha aichukni damdam-swk tamphuru . swrangsalni diporo hamjwk-ni mangkwthwi Dharmanagar hangkor sakhamnogo tubujakha. Aboni ulo kaisa mamla naharwi amjokmung chengkha Dharmanagar thanani Police .

Kwthwi amjokmungni ulo nukhungni bororokni thani yapharwi rwjakha mangkwthwi . tabuk sak hamya wngwi GB sakhamnogo kwlaijai Prasanta Majumder . abohai patimungno twiwi kha khamlaijak Hrishi Arbindo Lane amchaini lukurok .