Kaibwrwi thaio Vote kwplai ungma bai khatung jak CM Biplab Kumar Deb Sangrongsalo sakhwlaijakha kaiba hasteni Bidhansabha chongmarini Resu...
 Kaibwrwi thaio Vote kwplai ungma bai khatung jak CM Biplab Kumar DebÂ
Sangrongsalo sakhwlaijakha kaiba hasteni Bidhansabha chongmarini Result . Uttar Pradesh, Uttarakhand, Manipur, Goa tei Punjab hasteo wngmani Bidhansabha chongmari . Kaiba hasteni bisingo hainohai kaibrwi hasteo BJP haphang swnamna bwkhak thangwi tongo . Chongmari paimani ulo jotoni mokol naharjak Uttar Pradesh-ni bwkhak. Phungni simino Trend-no rwksaui hainohai Yogi haphang Uttar Pradesh-o phano phaiwi tongo hwnwi phunukjagwi tongmani. Paithago abono wngkha kubui . Thangnai bisi thamchisnio(37) tabukno puila Yogi Adityanath-ni twidulmungbai uainwi-ni bagwi BJP haphang kwplai wngwi haphang swnamna bwkhak . Uttar Pradesh-ni rwngthwng haphar-o swnamkha laibuma . Uttar Pradesh-o BJPni bwskango phan kwrak khe bachajak tongmani Akhilesh Yadhav-ni Samajbadi party . Phiya paithago Modi-ni bankundrio bachaui tongnani phan kwrwikha Akhilesh . Uttar Pradesh-o BJPni kwplai wngma bwskang Loksabha chongmarini lama swrai swrai khwlaikha hwnwi rwngthwng kwrwngrokni uansuklaimung . Uttar Pradesh-o jotoui Bidhansabha achukthai tongmani 403 . aboni bisingo BJP bodol simino 260 -ni swlai kwbang achukthai manwi haphang swnamna bwkhak thangwi tongo BJP . Abohaikhe hainohai tei bisikbani bagwi Uttar Pradesh-ni Montri okra wngwi barja yachakna tabuk jora simino nasingjak Yogi Adityanath.
Tei khaksa bwkhak, Goa Bidhansabha chongmari bwkhakbo Bharatni mokol kaijak tongmani . Goa-o Congress, BJPno karwino Trinamool, NCP, Shibsena, Aam Admi Party -hai bodol chongmario batailaimani . Goa Bidhansabha chongmario achukthai tongmani kai brwichi(40), aboni bisingo BJP bodol kwplai wngkha kai nwichi achukthai. Abohaini bisingo Goa-ni montri okra Pramod Sawant kha thonjak Goa hasteo BJP haphang -no wngnai . Bodolni joto samung tangnairokni bagwino haphang swnamna bwkhak thangwi tongo hwnwi sakha bo . Montri okra teibo sakha, nangkhe Regional party-bai halok kwthaui haphang swnamnai .Â
Uttarakhand hasteni Bidhansabha chongmario jotoui achukthai tongmani kai snichi(70). Aboni bisingo kabachi-swk achukthaio kwplai wngwi haphang swnamnani jora simino nasingjak BJP bodol . Uttarakhand hasteo BJPno kebengwi kwrak bodol hwnwi kebengwi tongmani Congress , phiya paithak kok sakha lukurokni hamjakmung BJP bodolni bwkhak .Â
Salka babai hasteni bagwi hamkraini tangbwtang naharmani Montri bokhorok Narendra Modi . aboni bagwino luku hamjakmungbo manwino tongo . aboni kaisa phunukmari wngkha Manipur Bidhansabha chongmario BJPni kwplai wngma . Manipur hasteo hainohai Montri okra wngna bwkhak thangwi tongo N. Biren Singh .Â
Hukbar khwlainairokni chobano twiwi rwngthwng khwlaimani Punjab-o Congress bodol. Hukbar khwlainairokno lamao tikhwlaiwi Modi-ni boyarno bathakrwna chaitokmani phiya O congress-no tini nobar-o haduli haikhe kobonwi thangkha Punjab-o . kwplai wngwi haphang swnamna bwkhak thangwi tongo  Arvind Kejriwal-ni AAP . Phiya bwskang Loksabha chongmarini bagwi Punjab-o lama hokna chengkha BJP bodol . kok thaisabai sanani thangkhe Bharat haktor thwgwino Modi-ni bankundri sibsajak . Tripura hasteo-bo kaibrwi hasteo BJP bodol kwplai wngmano twiwi bagrum barsalaijak hasteni BJP bodolni samung tangnaiork .
No comments