Journalist Sujit Tripura-Chapro nai rogno daity naitwk karina bangwi koimung ATKMF Tripura: Thangnai 19 tarik Raj Mela Murasing Hukumu Te...
 Journalist Sujit Tripura-Chapro nai rogno daity naitwk karina bangwi koimung ATKMF
Tripura:Â Thangnai 19 tarik Raj Mela Murasing Hukumu Ter o koktwma thumna bangwi thangwi sogwi kha Chumui Tv Editor Sujit Tripura. O Ter koktwma thumnai hinwi no bono chapra jakha, bw o chapra jakmani bisingo sago dokho mankha tei khukungthai rog twi thwi rok phaibai jakha.
O patemung ni yakulo bw bini sakni social media page twi o opatemung sakhlai kha – tei bw wana jak kha Dophani bangwi aswk khorang tisai tongmani bono koktwma t humnai hinwi no bono chapra laikha hinwi sakha Sujit Tripura. o patemungno kwbangma mothani bising twi sinimwng phunuk jakha – Chapro nai rogno.
Bw 21 tarik Manu outpost thangwi FIR khaiwi kha Sujit Tripura sak baithang thangwi. Phiya daity samwng romjak ya ungwi thangwi kha tini 24 tarik ni sal o haino hai Manu outpost o All Tripura Kokborok Media Forum ni adong rok.
Oc Subrata Chakrabarty kok rikha Sal kisa ni bisingo no Samung sitra tangnai rogno romnai hinwi. Ora thangwi Sogwi kha Sakh deranai Chumui tv ni Editor Sujit Tripura no khoboi Kokborok Media Forum ni Achukphang Samir Debbarma, Tangphang Sailen kalai, Mothani Adong Gopal Debbarma, Milton Debbarma, Ram Debbarma ako rok
No comments