Dumboor lake ni narkel kunja o helipad swnamjakha Hasteni Montri Okra Biplab Kumar Deb 11 November o beraikhiri hamjaknai lukurokni thanglai...
Hasteni Montri Okra Biplab Kumar Deb 11 November o beraikhiri hamjaknai lukurokni thanglaisuni kaham sep rwna wansugwi Dumboor lakeni Narikel Kunja O Helipad chengwi rwkha.Â
Tripurani beraikhiri thai rokno naithok tei khatung rwjak khwlai tisanao Montri Okra Biplab Kumar Deb je luajimung romkha bono charwi tisana bagwi Tripura Tourists Development Corporation poderepod samung bwtang yago romkha.Â
O naimung rwgwino hasteni juda juda thaio tongnai beraikhiri thai rokno teibo naithok khwlai tisana tei berainai rokni sep manthogmung bangrwnani bagwi Dumboor Lake ni Narikel Kunja Helipad swnamjakha.Â
Haktor tei phatar haktor ni beraina phainai rok Dumboor lake ni naithokma amchai rokno dati khwlai berai naithangphai manna bagwi O Helipad swnamjakha.Â
O pandao phaiwi manjak phaikha hasteni Beraikhiri Montri Pranajit Singha Roy, MP Rebati Tripura, Beraikhiri naikhungni Secretary Kiran Gitte tei Beraikhiri naikhungni dagiphang Tarit Kanti Chakma akosong.
No comments